fimmtudagur, 13. ágúst 2020
 
TölublöðVenjuleg útgáfa

Fjórtán Rússar á Reykjaneshrygg

30. apríl 2014 kl. 14:04

Rússneskur togari myndaður úr flugvél Gæslunnar í gær. (Mynd: LHG).

Úthafskarfaveiðar rússneskra skipa að hefjast en NEAFC-þjóðirnar mega byrja 15. maí.

TF-SIF, flugvél Landhelgisgæslunnar fór í gær í löggæslu- og eftirlitsflug á Reykjaneshrygg og suður fyrir efnahagslögsögumörkin til að kanna stöðu á úthafskarfamiðum. Samtals eru nú fjórtán rússnesk skip skráð til veiða og voru þau öll auðkennd með nafni og kallmerki. Tíu rússneskir togarar eru staðsettir við lögsögumörkin en fjórir togarar stefna á miðin. Veiðar þjóðanna sem tilheyra NEAFC hefjast þann 15. maí  næstkomandi og má því reikna með að skipum á svæðinu fjölgi umtalsvert á næstunni.

Erlendu karfaskipin eru eins og vorboðinn og koma ávallt á svipuðum tíma á miðin.  Búast má við að þeim fjölgi talsvert á næstunni, segir á vef Gæslunnar.