miðvikudagur, 26. febrúar 2020
 
TölublöðVenjuleg útgáfa

Frystigeymslur Síldarvinnslunnar tóku á móti 55 þúsund tonnum

6. janúar 2016 kl. 13:15

Frosnum afurðum skipað út í tvö skip samtímis í Norðfjarðarhöfn Ljósm. Hákon Ernuson

Flutningabílar fóru rúmlega 600 ferðir yfir Oddsskarð hlaðnir afurðum úr frystigeymslunum.

Á árinu 2015 tóku frystigeymslur Síldarvinnslunnar í Neskaupstað á móti tæplega 55 þúsund tonnum af frystum afurðum. Um 22.300 tonn komu frá vinnsluskipum en um 32.300 tonn komu frá fiskiðjuverinu. Eftirtalin skip lönduðu frosnum afurðum í frystigeymslurnar á árinu:

Vilhelm Þorsteinsson EA 3.302 tonn

Kristina EA 7.580 tonn

Hákon EA 7.579 tonn

Barði NK 2.983 tonn

Blængur NK 166 tonn

Polar Amaroq 653 tonn

 

Tæplega 65 þúsund tonnum af afurðum sem geymdar voru í frystigeymslunum var skipað út á árinu. Þar af fóru 49.899 tonn beint í skip í Norðfjarðarhöfn en 14.856 tonn voru flutt í gámum eða með bílum til útskipunar í öðrum höfnum. Þannig hafa flutningabílar farið rúmlega 600 ferðir yfir Oddsskarð hlaðnir afurðum úr frystigeymslunum.