sunnudagur, 19. september 2021
 
TölublöðVenjuleg útgáfa

Fyrsta hrefna vertíðarinnar veidd

10. maí 2013 kl. 08:19

Hrefnuveiðar 2010

Nýtt og ferskt hrefnukjöt á grillið um helgina

 

Fyrsta hrefna vertíðarinnar veiddist í Faxaflóa í gær. Það var báturinn Hafsteinn SK sem veiddi dýrið. Dýrinu var landað í morgun við Hafnarfjarðarhöfn og stefnt að því að vinna það strax svo unnt sé að nálgast nýtt og ferskt hrefnukjöt á grillið um helgina, að því er segir á vef Hrefnuveiðimanna.

 

Alls veiddust um 53 hrefnur í fyrra. Heimilt er að veiða 216 hrefnur í ár en markaðsaðstæður ráða hve mikið verður veitt. Hrefnuveiðimenn vonast til að vertíðin í ár verði betri en í fyrra. Verið er að útbúa Hrafnreyði KÓ til veiða og stefnt er að því að hún fari út í næstu viku.