sunnudagur, 13. júní 2021
 
TölublöðVenjuleg útgáfa

Gert að greiða 560 milljónir króna fyrir svartan fisk

19. desember 2011 kl. 16:12

Makríll

Sautján skoskir skipstjórar svindluðu makríl- og síldarafla framhjá vigt.

Dómstóll í Edinborg dæmdi síðastliðinn föstudag sautján skoska skipstjóra til þess að greiða samtals þrjár milljónir sterlingspunda eða jafnvirði 560 milljóna íslenskra króna fyrir að hafa landað makríl- og síld framhjá vigt á árunum 2003-2005 í Leirvík á Hjaltlandi og Peterhead í Skotlandi. Skipstjórarnir viðurkenndu brot sitt.

Í frétt um málið á vefnum FISHupdate.com er ekki getið um það hversu miklu magni var svindlað framhjá vigt, en umrædd fjárhæð svarar væntanlega til verðmætis hins ólöglega afla. Sjálfir sektardómarnir yfir skipstjórunum verða hins vegar kveðnir upp 23. janúar næstkomandi.