föstudagur, 18. júní 2021
 
TölublöðVenjuleg útgáfa

Góð byrjun á túnfiskveiðum

11. ágúst 2015 kl. 09:31

Túnfiskur tekinn um borð í Jóhönnu Gísladóttur GK (Mynd: Örn Sævar Holm)

Jóhanna Gísladóttir GK komin með 13 fiska í gær.

Túnfiskveiðar hófust suður af landinu í lok síðustu viku og í gær voru 13 túnfiskar komnir í lest Jóhönnu Gísladóttur GK 557, að því er fram kemur á vefnum mbl.is 

Eftir var að draga síðustu lögnina á miðunum um 140 mílur suður af Dyrhólaey. 10-12 tíma tekur að draga línuna, sem er hátt í 40 sjómílur, en að auki um og yfir hálftíma að þreyta hvern fisk og koma um borð.

Löndun er ráðgerð í Grindavík á morgun, en það er nokkru fyrr en á síðasta ári, þegar fyrsta löndun var 26. ágúst. Íslendingar hafa heimild til að veiða 32 tonn af túnfiski í ár.