laugardagur, 21. september 2019
 
TölublöðVenjuleg útgáfa

Hafa lokið veiðum á Íslandssíld

29. nóvember 2017 kl. 12:14

Beitir NK - skip Síldarvinnslunnar í Neskaupstað. Mynd/Hákon Ernuson

Lítið að síld að sjá í síðustu veiðiferð Beitis NK.

Beitir NK kom með tæplega 1.100 tonn af Íslandssíld til Neskaupstaðar í morgun og er veiðum á Íslandssíld þar með lokið hjá Síldarvinnsluskipunum í ár.

Þetta kemur fram í frétt Síldarvinnslunnar.

Sturla Þórðarson skipstjóri á Beiti segir þar að veður hefði truflað veiðar verulega í túrnum.

„Þegar við komum vestur lágum við í tvo sólarhringa í vari við Reykjanes. Síðan hófust veiðar í misjöfnu veðri en staðreyndin er sú að það var lítið af síld að sjá. Við fengum aflann 50-80 mílur vestur af Reykjanesi. Nú eru þessar síldveiðar búnar í bili og kolmunnaveiðar eru næst á dagskrá,“ segir Sturla.