Hagnaður lækkaði milli ára

1. mars 2018 kl. 09:48

Haraldur Guðjónsson

Togarar

Hagstofan hefur birt Hagtíðindi um hag veiða og vinnslu, árlegt rit þar sem gerð er grein fyrir afkomu sjávarútvegsfyrirtækja.

Þar kemur fram að milli áranna 2015 og 2016 hafi hagnaður sjávarútvegsfyrirtækja fyrir afskriftir, fjármagnskostnað og tekjuskatt, svonefnd EBITDA eða verg hlutdeild fjármagns, lækkað sem hlutfall af heildartekjum sjávarútvegs.

Í fiskveiðum og -vinnslu varð hlutdeildin 56 milljarðar árið 2016 og hafði hlutfallið þá lækkað, án milliviðskipta, úr 27,3% í 25,4%.

Í fiskveiðum lækkaði það úr 26,1% árið 2015 í 24,2% af tekjum árið 2016 og í fiskvinnslu úr 13,5% í 11,9%. Í fjárhæðum varð hlutdeild fiskveiða 33,3 milljarðar og vinnslunnar rúmir 22,7 milljarðar.

Samkvæmt efnahagsreikningi voru heildareignir sjávarútvegs í árslok 2016 tæpir 621 milljarður króna, heildarskuldir tæpir 360 milljarðar og eigið fé rúmir 262 milljarðar.

Þá kemur fram að veiðigjald útgerðarinnar hafi lækkað úr 7,7 milljörðum fiskveiðiárið 2014/2015 í 6,9 milljarða fiskveiðiárið 2015/2016.

Einnig kemur fram í riti Hagstofunnar að afkoma smábáta hafi versnað árið 2016. Alls voru 874 smábátar að veiðum og öfluðu rúmlega 24 þúsund tonna að verðmæti rúmlega 5 milljarða.

Verð sjávarafurða á erlendum mörkuðum í íslenskum krónum lækkaði um 6,4% frá fyrra ári og verð á olíu lækkaði að meðaltali um 16,9% á milli ára. Gengi dollarans veiktist um 8,5% og gengi evrunnar um 8,7% á milli ára.

Sjá nánar á vef Hagstofunnar.

Skrokkurinn verður rafhlaða

Rafknúinn þrjátíu tonna bátur er tilbúinn til framleiðslu hjá Navis. Þá er fyrirtækið að búa til báta úr batteríum í samstarfi við GreenVolt.

Verður á netum og snurvoð

Nýr Bárður SH á veiðar milli jóla og nýárs.

Geta framleitt 20 milljónir dósa á næsta ári

Ægir sjávarfang í samstarfi við Hraðfrystihúsið Gunnvör í Hnífsdal. Thai Union, eitt af stærstu sjávarafurðafyrirtækjum heims hefur keypt stóran hlut Ægi.

Reynt að bjarga Hoyvíkursamningnum

Utanríkisráðherrar Íslands og Færeyja hittust í Kaupmannahöfn í gær og ræddu framtíð fríverslunarsamnings ríkjanna. Guðlaugur Þór segist bjartsýnni eftir fundinn.

Hluthafafundur Brims samþykkti tillögur

Endanleg ákvörðun um að auðvelda erlendum aðilum óbeina aðild og um kaup Brims á Kambi og Grábrók bíða þó báðar aðalfundar á næsta ári. Þá greinir Brim frá því að þorsveiðin sé að glæðast á ný.

Vilja sporna gegn samþjöppun

Þingmenn frá þremur flokkum stjórnarandstöðunnar, Viðreisn, Pírötum og Samfylkingunni, hafa lagt til breytingar á lögum um stjórn fiskveiða til að stuðla að dreifðari eignaraðild í sjávarútvegi og koma í veg fyrir að aflaheimildir safnist á fáar hendur.

Hagnaður lækkaði milli ára

Hagstofan hefur birt Hagtíðindi um hag veiða og vinnslu, árlegt rit þar sem gerð er grein fyrir afkomu sjávarútvegsfyrirtækja.