þriðjudagur, 15. júní 2021
 
TölublöðVenjuleg útgáfa

Hrefnuveiðileyfi auglýst til umsóknar

15. mars 2012 kl. 13:00

Hrefnuveiðar 2010

Skilyrði að einn úr áhöfn hafi reynslu af hrefnuveiðum.

Sjávarútvegsráðuneytið hefur auglýst eftir umsóknum um hrefnuveiðileyfi á þessu ári.

Skilyrði fyrir veitingu leyfa til hrefnuveiða eru eftirfarandi:

1.    Að minnsta kosti einn úr áhöfn hafi reynslu af hrefnuveiðum. Við mat á því hvort aðili hafi reynslu af hrefnuveiðum er sú krafa gerð að aðili hafi a.m.k. verið samfellt í þrjá mánuði skytta á hrefnuveiðibát. Heimilt er Fiskistofu að meta jafngilda annarskonar reynslu eða þekkingu svo að hún fullnægi áskilnaði skv. þessari grein.

2.    Skyttur sem annast veiðar og aflífun dýra skulu hafa sótt viðurkennt námskeið í meðferð skutulbyssa og sprengiskutla og í aflífunaraðferðum við hvalveiðar.

Auk þessa skal skytta hafa fullnægjandi skotvopnaleyfi. Þá er kveðið á um veiðiaðferðir og veiðibúnað sem skip sem ætluð eru til hrefnuveiða skulu vera búin í samræmi við reglugerðir. 

Umsóknir um leyfi til hrefnuveiða skulu sendar sjávarútvegs- og landbúnaðarráðuneytinu, Skúlagötu 4, 150 Reykjavík. Frestur til að skila inn umsóknum rennur út þann 4. apríl 2012.