mánudagur, 14. júní 2021
 
TölublöðVenjuleg útgáfa

Jón á Hofi ÁR veiddi risahumar

26. nóvember 2012 kl. 10:00

Risahumarinn og annar af hefðbundinni stærð til samanburðar. (Mynd af vef Ramma hf.)

Var hálfs metra langur og vó tæpt hálft kíló

Jón á Hofi ÁR landaði hjá Ramma í Þorlákshöfn sl. fimmtudag stærsta humri sem veiðst og mælst hefur hér við land.

Humarinn var veiddur í Selvoginum. Hausinn er mældur frá augntóftum aftur að hala. Búkurinn mældist 88 mm en fyrra met var 81 mm humar sem veiddist fyrir u.þ.b. 10 árum. Lengdin á humrinum í heild er hálfur metri og hann vó 490 grömm. 

"Litli" humarinn á myndinni flokkast í 1. flokk, er 87 grömm, sem er meðalstærð þess humars sem veiddur er og unninn hjá Ramma þetta árið.

Fram kemur á vef Ramma hf. að starfsmaður Hafró í Þorlákshöfn hafi staðfest Íslandsmetið.