mánudagur, 14. júní 2021
 
TölublöðVenjuleg útgáfa

Kolmunnaveiðum HB Granda lokið í bili

20. júní 2015 kl. 15:49

Venus NS 150

Afgangurinn af kvótanum verður tekin í haust.

Venus NS kom til Vopnafjarðar síðdegis í gær með um 1.800-1.900 tonna kolmunnaafla. Þar með er beinum kolmunnaveiðum skipa HB Granda lokið í bili, að því  er fram kemur á vef HB Granda. 

Samkvæmt upplýsingum Ingimundar Ingimundssonar útgerðarstjóra veiddust alls 30.400 tonn á vertíðinni. Heildarkvóti skipa félagsins var 42.900 tonn á þessu ári þannig að víst má telja að beinar kolmunnaveiðar hefjist að nýju í haust að loknum veiðum á makríl og norsk-íslenskri síld.

Heildarkvótinn nú er rúmum 2.000 tonnum meiri en í fyrra en þá veiddust 40.500 tonn. Fyrsta löndunin nú var 23. apríl sl. en til samanburðar má nefna að í fyrra barst fyrsti kolmunninn til Vopnafjarðar þann 30. mars. Munurinn er fólginn í því að þá sóttu skip HB Granda 4.000 tonn af kolmunna vestur af Írlandi en að þessu sinni var ekki farið til veiðanna fyrr en kolmunninn gekk norður í færeysku lögsöguna.

Að sögn Ingimundar er einnig sá munur á veiðunum milli ára að kolmunninn virðist nú ganga mun austar en hann gerði í fyrra