mánudagur, 21. júní 2021
 
TölublöðVenjuleg útgáfa

Loðnubresturinn dró niður febrúaraflann

20. maí 2014 kl. 09:19

Frá loðnuveiðum. (Mynd: Þorgeir Baldursson)

Aflaverðmæti íslenskra skipa í mánuðinum dróst saman um 36% frá fyrra ári.

Íslensk skip fiskuðu fyrir tæplega 11 milljarða króna í febrúar síðastliðnum, samkvæmt nýbirtum tölum Hagstofunnar. Í sama mánuði í fyrra var aflaverðmætið 17 milljarðar. Mismunurinn er 36%. 

Mikil samdráttur í loðnuveiðum hefur þar mest að segja. Aflaverðmæti loðnu nam 1.849 milljónum króna í febrúar sl. samanborið við 6.911 milljónir í febrúar 2013. Þetta er 73% samdráttur. 

Einnig veiddist mun minna af skelfiski en í sama mánuði í fyrra.

Aflaverðmæti íslenskra skipa á tólf mánaða tímabili frá mars 2013 til febrúar 2014 dróst saman um 11% miðað við sama tímabil ári áður. Verðmæti botnfiskafla dróst saman um 6% milli tímabilanna. 

Sjá nánar á vef Hagstofunnar.