fimmtudagur, 19. september 2019
 
TölublöðVenjuleg útgáfa

LS mótmælir hugmyndum um að skylda slægingu úti á sjó

23. febrúar 2011 kl. 10:37

Þorskar.

Landssamband smábátaeigenda hefur sent inn athugasemdir við hugmyndir sjávarútvegs- og landbúnaðarráðuneytisins um breyttar vigtarreglur, ísprósentu og slægingarstuðla. Í meginatriðum er LS andvígt tillögunum, að því er fram kemur á vef sambandsins.

Meðal þess sem fram kemur í athugasemdum LS er að félagið er sammála því að ísprósenta dagróðrabáta, þegar vigtað er á hafnarvog verði hækkuð, það tryggi enn betur að fiskurinn verði nægilega kældur og gæði tryggð. LS mótmælir hins vegar harðlega öllum hugmyndum um breytingar á slægingarstuðli svo og þvingunaraðgerðum um að landa afla dagróðrabáta slægðum, segir ennfremur á vef LS.