laugardagur, 19. júní 2021
 
TölublöðVenjuleg útgáfa

Maí-skammturinn langt kominn á NV-svæði

13. maí 2014 kl. 10:07

Strandveiðar. Afla landað á Fáskrúðsfirði. (Mynd: Óðinn Magnason).

Staða strandveiðanna eftir fimm veiðidaga.

Eftir fimm daga strandveiði er búið að veiða 76% leyfilegs heildarafla á svæði A, sem nær frá Snæfellsnesi til Súðavíkur. Þetta eru 541 tonn af 715 tonna viðmiðunarafla. 

Á svæði B sem nær frá Ströndum að Eyjafirði hafa aðeins veiðst 94 tonn eða 19% af leyfilegum afla í maímánuði. 

Á svæði C sem nær yfir svæðið úti af NA-landi og Austfjörðum hafa ekki nema 50 tonn veiðst eða 9% af viðmiðunaraflanum.

Á svæði D sem nær yfir Suður- og Suðvesturland hafa veiðst 190 tonn eða 32% af leyfilegum heildarafla.  

Þetta kemur fram á vef Landssambands smábátaeigenda en þar er staðan uppfærð daglega.