miðvikudagur, 25. nóvember 2020
 
TölublöðVenjuleg útgáfa

Nær helmingur botnfiskaflans unninn á SV-horninu

30. ágúst 2011 kl. 15:22

Fiskvinnsla (Mynd: Arnaldur)

Heildaraflaverðmæti jókst um 15% milli áranna 2009 og 2010

Afli íslenskra skipa árið 2010 var rúm 1.063 þúsund tonn, 66 þúsund tonnum minni en árið 2009. Aflaverðmæti nam tæpum 133 milljörðum króna og jókst um 15,2% frá fyrra ári, eða um 11% ef mælt er á föstu verði.

Þetta kemur fram í nýútkomnu riti Hagstofunnar um afla og aflaverðmæti árið 2010.

Stærsti hluti afla íslenskra fiskiskipa var unninn á Austurlandi en þar var mestum uppsjávarafla landað. Stærsti hluti botnfiskaflans var unninn á höfuðborgarsvæðinu og á Suðurnesjum eða 45%. Af þorskaflanum fór mest í landfrystingu og einnig stærsti hluti ýsuaflans.