sunnudagur, 19. september 2021
 
TölublöðVenjuleg útgáfa

Ný Cleopatra 36 til Fosnavåg í Noregi

15. september 2021 kl. 11:53

Nærøybuen er 10.99 metrar á lengd og mælist 11 brúttótonn. Mynd/Trefjar

Bátasmiðjan Trefjar sendir frá sér nýjan bát.

Kjell-Børre Petersen, útgerðarmaður og skipstjóri, fékk nú á dögunum afhentan nýjan Cleopatra 36 bát frá Bátasmiðjunni Trefjum í Hafnarfirði. Báturinn er kominn til Noregs og reiknað er með að hann hefji veiðar á næstu dögum.

Nýi báturinn heitir Nærøybuen og er 10.99 metrar á lengd og mælist 11 brúttótonn. 

Aðalvél bátsins er af gerðinni Scania D13 650hö tengd ZF325IV gír og er útbúinn siglingatækjum af gerðinni JRC og Simrad.

Báturinn er einnig útbúin með vökvadrifnum hliðarskrúfum að framan og aftan sem tengdar eru sjálfstýringu bátsins.

Báturinn er útbúinn til netaveiða.  Netabúnaður kemur frá Noregi.

Lest bátsins rúmar fimmtán 380 lítra kör.

Stór borðsalur og fullbúin eldunaraðstaða er í brúnni.  Svefnpláss er fyrir þrjá í lúkar.  Salerni með sturtu.

Lífbátur og annar öryggisbúnaður bátsins kemur frá Viking.