þriðjudagur, 15. júní 2021
 
TölublöðVenjuleg útgáfa

Ný eldistegund frá Suður-Ameríku markaðssett í Evrópu

11. júlí 2011 kl. 15:24

Risaari

Flökin vega 2-2,5 kíló

Franska útgerðar- og fiskeldisfyrirtækið Groupe Adrien hefur tekið höndum saman við perúska fyrirtækið Amazone um að markaðssetja nýja eldistegund, sem nefnist risaari, á markaði í Evrópu, að því er fram kemur á vef IntraFish.

Risaari (arapaima gigas) er vatnafiskur upprunninn í fljótinu Amazon. Risaari verður seldur sem frosin flök til að byrja með en einnig verður boðið upp á blokk. Flökin eru ekki í minni kantinum því hvert þeirra vegur 2-2,5 kíló. Þessi fiskur  getur orðið risastór og náð allt að 3ja metra lengd. Markmiðið er að vinna markað fyrir sælkera því bragðgæði eru sögð mikil og fiskurinn er skjannahvítur. 

Atvinnuveiðar á risaara í Amazon eru ekki lengur leyfðar þar sem tegundin er talin vera í útrýmingarhættu. Sportveiðar eru leyfðar ef menn sleppa aflanum. Innfæddir mega veiða sér til matar.