þriðjudagur, 15. júní 2021
 
TölublöðVenjuleg útgáfa

Nýsmíði fyrir 6,3 milljarða króna

7. júní 2011 kl. 09:50

Christina E, nýjasta uppsjávarskip Norðmanna.

Christina E er nýjasta viðbótin í norska uppsjávarflotann.

Norðmenn eru nú í óða önn að endurnýja fiskiskipaflota sinn. Nýjasta viðbótin er Christina E sem útgerðin Ervik & Sævik AS hefur látið smíða í Karsteinsens skipasmíðastöðinni á Skagen í Danmörku.

Skipið, sem kom til heimahafnar í Heröy í síðustu viku, er 80,4 metrar á lengd og 16,6 metra breitt. Áætlaður kostnaður, samkvæmt frétt í Fiskeriblade/Fiskaren, er um 300 milljónir norskra króna eða jafnvirði 6,3 milljarða íslenskra.

Eins og Fiskifréttir skýrðu frá nýlega eru mörg önnur ný uppsjávarskip í smíðum fyrir Norðmenn.