miðvikudagur, 23. október 2019
 
TölublöðVenjuleg útgáfa

Radarinn kominn í loftið

Gudjon Gudmundsson
9. október 2019 kl. 11:36

Vefur um íslenskan sjávarútveg og fiskeldi

Samtök fyrirtækja í sjávarútvegi, SFS, hefur hleypt af stokkunum nýjum vef um íslenskan sjávarútveg og fiskeldi sem heitir Radarinn. Þar er fjallað talnalega um m.a. útflutning, hagkerfið og fleira. Slóðin er www.radarinn.is.

Hvert var útflutningsverðmæti sjávarafurða í fyrra, hvaða afurð er verðmætust, hvert seljum við fiskinn, hvað notar flotinn mikið af olíu, hvað er framleitt mikið af eldisfiski á Íslandi og hverjir kaupa? Svör við þessum spurningum og fjölmörgum öðrum má finna á vefnum.

Radarinn er á forræði Samtaka fyrirtækja í sjávarútvegi og er hugsaður sem „mælaborð“ sjávarútvegs og fiskeldis á Íslandi. Hann skiptist í fimm flokka; útflutning, hagkerfið, vinnumarkað, umhverfismál og fiskeldi.  Allar tölur sem birtar eru á radarinn.is eru fengnar úr opinberum gögnum.