mánudagur, 21. júní 2021
 
TölublöðVenjuleg útgáfa

„Ráðherra gaf ekki tilefni til bjartsýni“

23. janúar 2014 kl. 09:54

Ýsa í kari á bryggju. (Mynd: Alfons Finnsson).

LS hvetur til þess að ýsukvótinn verði aukinn um 5.000 tonn.

Í gær áttu fulltrúar Landssambands smábátaeigenda (LS) fund með Sigurði Inga Jóhannssyni sjávarútvegsráherra, þar sem rætt var um vanda útgerða krókaaflamarksbáta vegna mikillar ýsugengdar á veiðislóð þeirra. 

Um viðbrögð Sigurðar Inga segir á vef LS: „Ráðherra gaf LS ekki tilefni til bjartsýni á lausn málsins. Málið yrði að skoða í samstarfi við ráðgjöf Hafrannsóknastofnunar og athuga hvort vísindamenn þar á bæ teldu efni vera til að breyta ráðgjöfinni svo tilefni væri til kvótaukningar.“

LS lagði áherslu á það við ráðherra að auka nú þegar ýsukvótann um fimm þúsund tonn. Það mundi væntanlega nægja til að koma hreyfingu á kvótamarkaðinn og gera hann heilbrigðari en nú er.  Dygði það ekki væri óhjákvæmilegt að beita yrði öðrum aðferðum sem krefðust breytinga á lögum um stjórn fiskveiða.

Sjá nánar á vef LS