þriðjudagur, 18. júní 2019
 
TölublöðVenjuleg útgáfa

SalMar eykur hlut sinn í Arnarlaxi

Guðsteinn Bjarnason
11. apríl 2019 kl. 14:25

Laxeldi í Arnarfirði.

Eignarhlutur SalMars í Arnarlaxi fer upp í 63,3 prósent þegar gengið hefur verið frá kaupum samkvæmt yfirtökutilboði.

Norska laxeldisfyrirtækið SalMar hefur greint frá því að eigendur 8,8 prósenta hlutafjár í Arnarlaxi hafi fallist á yfirtökutilboð. Gengið verður frá kaupunum ekki síðar en 24. apríl, og hefur þá SalMar eignast samtals 63,03 hlutafjár í Arnarlaxi.

Alls mun SalMar eiga 16.775.792 hluti í fyrirtækinu eftir að gengið hefur verið frá kaupunum.

Yfirtökutilboðið var gert í framhaldi af því að SalMar eignaðist meirihluta í Arnarlaxi, þá samtals 54,23 prósent, í febrúar síðastliðinum.

Frestur til að fallast á yfirtökutilboðið rann út 10. apríl

Kjartan Ólafsson, stjórnarformaður Arnarlax, lýsti á sínum tíma því yfir að hann ætli sér ekki að selja sinn hlut í fyrirtækinu.