miðvikudagur, 13. nóvember 2019
 
TölublöðVenjuleg útgáfa

Strandamenn stopp vegna skorts á ýsukvóta

4. febrúar 2011 kl. 13:20

Frá höfninni á Hólmavík

Skora á sjávarútvegsráðherra að bæta við kvótann og liðka fyrir framsali.

Sjómenn við Steingrímsfjörð á Ströndum segjast ekki getað róið lengur vegna skorts á ýsukvóta og skora á sjávarútvegsráðherra að bæta við kvótann og liðka fyrir framsali þegar í stað.

Þeir benda á að mikil ýsugengd hafi verið í Húnaflóa undanfarin ár, nokkuð sem ekki þekktist á viðmiðunarárum kvótans. Þar af leiðandi sé ýsukvóti bátanna í engu samræmi við ýsugengd á fiskislóð þeirra.

,,Nú er svo komið að ekki er hægt að róa vegna skorts á ýsukvóta. Leiguverð á ýsukvóta hefur hækkað verulega og framboð á leigukvóta er lítið sem ekkert,” segir í ályktuninni.

Fram kemur að við Steingrímsfjörð starfi ríflega 20 útgerðir, tvö fyrirtæki í vinnslu á bolfisk og fiskmarkaður. Þessi fyrirtæki séu grunnstoðir byggðarlagsins.

Nánar um málið í Fiskifréttum.