fimmtudagur, 24. júní 2021
 
TölublöðVenjuleg útgáfa

Útflutningsverðmæti grásleppu nam um 2,1 milljarði

1. febrúar 2019 kl. 13:35

Heimild/Landssamband smábátaeigenda

Kílóverð í öllum afurðaflokkum hækkaði milli ára, fryst grásleppa mest eða um 44%.

Útflutningsverðmæti grásleppuafurða á sl. ári nam um 2,157 milljörðum, sem er 370 milljónum meira en árið 2017 skilaði.  Af kavíar var mest flutt til Frakklands eða 71% magnsins, Svíar keyptu 47% alls útflutnings af söltuðum hrognum og Kínverjar 91% af frosinni grásleppu.

Frá þessu er greint á vef Landssambands smábátaeigenda.

„Það er einkar ánægjuleg að skoða útflutningstölurnar sem sýna glöggt hversu vel hefur gengið að selja grásleppuna og þær afurðir sem unnar eru úr henni,“ segir þar.

Kílóverð í öllum flokkum hækkaði milli ára, fryst grásleppa mest eða um 44%.

Taflan sem fylgir samantekt Landssambandsins sýnir magn í tonnum og verðmæti í milljónum á sl. ári og á árinu 2017.