mánudagur, 27. janúar 2020
 
TölublöðVenjuleg útgáfa

Veður truflar veiðar fjölda skipa

10. desember 2019 kl. 11:20

Vont veður truflar veiðar. Blængur NK í brælu. Mynd/Hákon Seljan

Skip Síldarvinnslunnar í vari eða að ljúka veiðum áður en illviðrið skellur á Austurlandi.

Óhagstætt veður truflar veiðar Síldarvinnsluskipa mjög um þessar mundir, segir í frétt á heimasíðu fyrirtækisins.

Blængur NK er kominn til hafnar í Hafnarfirði og mun bíða þess að ofsaveðrið sem spáð er gangi niður. Ísfisktogararnir, Gullver NS, Smáey VE og Vestmannaey VE, eru allir á Austfjarðamiðum en gert er ráð fyrir að þeir muni halda til hafnar upp úr hádegi á morgun því þá mun vonskuveðrið ná austur samkvæmt spá. 

Vestmannaey landaði reyndar 60 tonnum á Seyðisfirði í gærkvöldi og hélt til veiða strax að löndun lokinni.

Kolmunnaskipin, sem eru að veiðum í færeysku lögsögunni, liggja í vari eða eru á leiðinni í var þannig að veðurofsi truflar einnig veiðar á þeim miðum.