mánudagur, 21. júní 2021
 
TölublöðVenjuleg útgáfa

Ýsukvóti krókabáta að klárast

8. janúar 2014 kl. 09:00

Ýsa

Innan við 400 tonn eftir af úthlutuðum heimildum.

Innan við fjögur hundruð tonn eru eftir af úthlutuðum veiðiheimildum krókabáta í ýsu þegar aðeins þriðjungur er liðinn af fiskveiðiárinu. Vakin er athygli á þessu á vef Landssambands smábátaeigenda (LS) og sagt brýnna en nokkru sinni að ráðherra komi að þeim vanda sem útgerðir smábáta eigi við að etja við veiðar á þorski vegna mikils meðafla í ýsu.

„LS hefur margsinnis vakið máls á þessum vanda en ekki haft árangur sem erfiði.  Aðilar sem rætt hefur verið við segja að margar útgerðir íhugi nú alvarlega að binda bátana þegar 50% veiðiskyldu hefur verið náð og leigja þann hluta kvótans sem ekki nýtist í færslu yfir á næsta ár.  Þeir segja ekki grundvöll fyrir veiðunum þegar greiða þarf 300 kr fyrir hvert kíló af ýsu í kvótaleigu,“ segir á vef LS.